New Delhi: India te itya dak COVID-19 vaccine toh 25 crore doses oper manuh logot thikena ase aro Saturday din 31 lakh jabs oper thishe, koikena Union Health Ministry para khobor toh janaishe. Health Ministry para statement te koishe ke, India te first dose deya te “historic landmark” 20 crore (20,46,01,176 ) pongchise. Khobor hesab te Saturday din 18-44 umer group logot first dose toh 18,45,201 manuh logot thishe aro 1,12,633 manuh logot second dose thishe. Phase-3 vaccination drive soruh hoikena sob melaikena India te 4,00,31,646 manuh ke first dose thishe aro 6,74,499 manuh ke second dose thikena ase. Bihar, Delhi, Gujarat, Haryana, Karnataka, Madhya Pradesh, Maharashtra, Rajasthan, Tamil Nadu, Telangana, Odisha, Uttar Pradesh and West Bengal te first vaccine dose toh 10 lakh 18-44 umer logot thikena ase koikena ministry para janaishe. India te COVID-19 vaccine doses loikena thaka toh 25,28,78,702, pongchise koishe. Etu pithor te 1,00,47,057 healthcare workers (HCWs) logot first dose thishe aro second dose loikena thaka toh 69,62,262 HCWs ase. Etu oper te 1,67,20,729 frontline workers (FLWs) logot first dose thikena ase aro 88,37,805 FLWs para second dose loikena ase.
Aro 45-60 umer group logot first dose toh 7,53,56,174 logot thishe aro 19,35,606 beneficiaries logot second dose thikena ase, etu samai 60 umer oper khan 6,24,45,570 logot first dose thishe aro 1,98,67,354 beneficiaries logot second dose thikena ase. Saturday din toh vaccination drive soruh hoikena 148 din pongcha te sob melaikena 31,67,961 vaccine doses thishe, etu pithor te 28,11,307 beneficiaries logot first dose thishe aro 3,56,654 beneficiaries logot second dose thishe, koikena 7pm samai dak te khobor thakishe.
Add Comment