Centre: Covid bemar para morai ke Rs 50,000 compensation

New Delhi: Centre para Supreme Court logot koishe ke, Covid bemar para mora laga ghor manuh ke Rs 50,000 compensation thiboli janaishe. Covid-19 bemar para mora ghor manuh ke Rs 50,000 compensation thiboli ase koikena,  Wednesday din Centre para Supreme Court ke khobor toh janai thishe. Aro khobor ekta te COVID-19 relief operations samai nahoile etu nemite kam kam kori thaka samai mora manuh laga ghor manuh ke ex-gratia assistance toh be thiboli janaishe. Central government para aro state logot  janishe ke, etu poisa toh State Disaster Response Fund (SDRF) para thibo. NDMA para etu fesla toh Supreme Court laga instructions hesab te bonaishe koishe. Ex-gratia assistance toh ke nemite morishe etu hesab te saikena Ministry of Health & Family Welfare aro ICMR laga COVID-19 hesab te certified koribo, koikena government para janai thishe. Procedure hesab te families khan para compensation toh nejor districts te Disaster Management Office te apply koriboli janaishe aro etu oper te application logote certificate “corona bemar para morishe” koikena medical certificate toh be submitted koriboli koishe. September 3 darik te, top court para COVID-19 bemari para mora laga ghor manuh ke death certificates thiboli deri kora nemite kushi powa nai. Apex court laga verdict hesab te June 30 darik te NDMA logot 6 weeks pithor te ex-gratia assistance toh Covid bemari para mora manuh laga ghor manuh logot thiboli junaikena ase.