CHANDIGARH, november 26 : Delhi Chief Minister Arvind Kejriwal agi koishe Pradhan Mantri Fasal Bima Yojana (PMFBY), crop insurance scheme toh dangor scam ase koishe aro etu toh bon hobole lage koishe.
Delhi Chief Minister koishe etu scheme para farmers khan lab hobole lage hoilebhi insurance companies khan he benefit hoishe.
(Pradhan Mantri) Fasal Bima Yojana toh dangor scam ase. Etu para farmers khan ke dhoka dishe. Mr Kejriwal reporters ke koishe farmers khan najani kena premium toh katijai(deducted) thake. Etu scheme bhitor te premium dile bhi daan(crop) 70 percent biya(damage) nohuwa tok compensations toh napai.
Delhi chief minister koishe etu scheme toh ‘BJP Kisan Daka Yojana’ (BJP Farmer Loot Scheme) kubo lage.
Mr Kejriwal Israna te visit kora samay te farmer Surjit laga parivaar(family) ke lok korishe. Farmer Surjit toh olop din agote heart attack para mori jaishe.
Unseasonal rains aro hailstorm para daan(crops) biya koridiya laga loss bardast koribole napari kena Surjit heart attack para mori jaishe..
Mr. Kejriwal murija family ke modot dibo koishe aro Rs. 80,000 moina laga salary dibo koishe. Lawmaker khan ke bhi etu he koribole koishe. Fasal Bima Yojana toh ban hubo lage aro premium juma(collect) kora toh wapas dibole koishe.
Mr Kejriwal koishe ‘Kisan Muavaza’ (farmer compensation) scheme Delhi government para launch kora genika sob farmers ke etu scheme launch koribole lage.
Delh CM koishe recent media khobor hesab te insurance companies toh Rs. 15,000 crore para Rs.20,000 crore majote etu scheme bhitor te juma hoishe aro claim settlement toh bishi kom ase.
Add Comment