New Delhi, 31 May 2025: NAMASTE (National Action for Mechanised Sanitation Ecosystem) scheme July month te 2 saal complete koribole time te, centre pura India te 91,000 nishina sanitation worker ke identify kurishe. Ministry of Social Justice and Empowerment laga official khan hesaap te, etu number te 80,000 sewer aru septic tank worker (SSW) aru 11,000 nishina waste picker ase.
NAMASTE scheme 2023-24 te launch korishe, aru etu laga main aim ase manual cleaning hatai dikina machine use kuribole sanitation kaam te. Etu scheme khan dangerous sewer aru septic tank cleaning bond kuribo aru worker laga jaan bachabo karone launch korishe. Ministry laga kotha hesaap te manual scavenging officialy khotom hoishe. Kintu Supreme Court etu saal surute 6 dangor city — Delhi, Mumbai, Chennai, Kolkata, Bengaluru, aru Hyderabad — te manual scavenging aru unsafe sewer cleaning pura bondh kuribole dishe.
Etu scheme ke bhal pora bujhibole ekta study group banaishe, aru December month te report submit koribo. Survey hisap te, sobse beshi SSW paishe Uttar Pradesh te, aru etu piche Maharashtra, Tamil Nadu aru Karnataka ase.
Official khan koishe survey koribole beshi problem ase, karon dangor pora illegal immigrant manu khan fake ID card use kure. Baki problem khan te etia tak 28,447 health card hi issue korishe, jodi 45,000 pora beshi PPE kit already di-dishe.
Parliament laga ekta report te department ke recommend korishe ki worker safety aru training bhal pora dibo lage, minimum wages ensure koribo lage, aru public ke aware koribo lage ki trained worker hi kaam lobole sanitation kaam karone.
Add Comment