New Delhi, February 19, 2026: Vibrant Village Programme (VVP) laga second phase te, 1,954 bosti kunto Pakistan, Nepal, Bangladesh, Bhutan, aro Myanmar logo te border ase, etu khan so development scheme laga betor te ahe ne bole ase koi she Ministry of Home Affairs (MHA) para.
VVP toh 2023 te shuru kure she, hosa toh etu scheme toh bosti kunto China laga border osor te ase, etu khan karne thake she. April 2025 te Union Cabinet para VVP-II toh clear kure she. February 20 te, Home Minister Amit Shah para VVP-II programme toh launch kure bole ase Nathanpur bosti te, kunto Assam laga Cachar district te ase.
Ministry para koi she, border te bosti thakea manu khan beshe toh bea kam khan kure jai, aro alak jaga te jai jai. Eu VVP-II programe betor te para, tai khan bosti khan bhal kure bo. Arunachal Pradesh, Assam, Bihar, Gujarat, Jammu and Kashmir, Ladakh, Manipur, Meghalaya, Mizoram, Nagaland, Punjab, Rajasthan, Sikkim, Tripura, Uttarakhand, Uttar Pradesh aro West Bengal khan ase kunto programme laga betor e ahe bole ase. Rs 3 crore neshe na de bole ase bosti khan te.
Add Comment