New Delhi, February 26: Centre para 2023-24 laga fiscal year(2023 laga April 1 para loikina 2024 laga March 31 taak) te court laga case khan te te Rs 66 crore khorcha kurisey. Etu logotey Prime Minister Narendra Modi para desh ke chola, 2014 para 2024 taak te court case te purapuri Rs 400 opor poisa khorcha hoisey.
2023-24 te court case te khorcha huwa tu etu laga agey saal(2022-2023) para Rs 9 crore para bi bisi hoisey.
Budget session chulithaka homoitey Lok Sabha te official records present kora te court te case file kora laga khorcha tu 2014-15 picheyte hodai saal uthithaka dikhisey khali duita financial year ke charikina jitya desh te Covid-19 spread hoikina thakisey.
2014-15 te court case nimitey poisa khorcha huwa tu Rs 26.64 crore thakisey. Etu picheyte next saal te etu khorcha tu barikina Rs 37.43 crore hoisey.
Financial year 2014-15 aro 2023-24 majotey court case te hodai saal khorcha huwa tu total Rs 409 crore opor asey.
Administration para etya kanooni larayi te ekta national policy banai asey kuntu para pending hoikina thaka case ke joldi-joldi solve kuridibo.
Etu policy laga first version ke Union Cabinet para approve kuribole baki asey.
Add Comment