Etu bridge khan tu, Arunachal laga Lachang jaga laga Pacha nudi opor te banabole thaka RCC bridge asey kuntu para East Kameng district laga Laimoya, Nerewa aro Sorrowa busti khan ke connect korey, Goang jaga laga Pacha nudi laga opor te banabole thaka RCC bridge asey kuntu para Goang jaga ke Donigaon busti tak connect kuribo.
National Highway (NH) 313 te 3ta bridge banabole asey kuntu toh Arunachal laga Lower Dibang district te NHPC colony laga through para Roing-Anini road ke New Chidu busti tak pungchibole asey.
Lower Siang district laga Koyu-Goye road te thaka Tabiripo Saku busti ke connect kuribole nimitey Sigen nudi opor te bi ekta RCC bridge banabole asey.
East Siang district laga Mebo-Dholla te thaka Ngopok nudi laga opor te ekta RCC bridge banabole asey aro Lower Subansiri district laga Yazali agri farm osor te thaka Chullyu aro Kebi busti ke connect kuribole nimitey Panyor nudi opor te ekta steel laga bridge banabole asey.
Union Minister of Road Transport and Highway, Nitin Gadkari para koisey, “Alag alag jag ate rasta laga connection improve kurikina aro economy ke agey barabole modod kurikina etu project khan tu amikhna laga Arunachal Pradesh laga samajik aro economic growth te promote kuribole aro jibon laga quality improve kuribole laga commitment te saath di asey.
Add Comment