Centre para Citizenship Law Rules bonaboli January 9 dak samai mangkishe

New Delhi: Central government para Parliament te 2019 saal te Citizenship Amendment Act (CAA) passed korikena thaka toh bonaboli January 9 darik dak samai mangkishe, koikena Minister of State for Home Affairs Nityanand Rai para Tuesday din Lok Sabha te janaishe. Congress MP Gaurav Gogoi para sawal korishe ke jodi government para CAA rules aro dosura steps loboli missed hoishe naki hota samai, tai para etu kotha toh janaishe. ” Citizenship (Amendment) Act, 2019 (CAA) toh 12.12.2019 te olaishe aro 10.01.2020 te kam soruh hoishe,” koikena minister para koishe. “Subordinate Legislation committees, Lok Sabha aro Rajya Sabha para samai toh 09.01.2022 dak lamba koriboli hotishe aro etu Citizenship (Amendment) Act, 2019 nemite rules bonabo,” koikena Mr Rai para koishe. CAA para non-Muslim minorities Pakistan, Bangladesh & Afghanistan manuh  ke Indian nationality thiboli ase koishe. Government etu paar melaikena 5 paar wala samai mangkishe. Parliamentary kam hesab te, legislation kam toh 6 moina pithor te bonaboli laga ase. CAA laga sobse tangor kam toh minorities neshina Hindus, Sikhs, Jains, Buddhists, Parsis aro Christians logot Indian citizenship thiboli laga ase koishe. Etu group pithor te kaun khan India te December 31, 2014 saal para loikena India te bohi ase etu manuh khan toh illegal immigrants nahoi aro tai khan ke Indian citizenship thiboli echa ase koishe.