July 15, 2025, 06:07 PM: Itu Ministry of Home Affairs (MHA), India laga Government para ekta directive issue kurishey, sob State Government khan, Union Territory khan aru Central Ministry khan ke, strict para comply kuriboley laga ensure kuriboley koishey, regulation khan govern kuri kena, itu India laga State Emblem chulaboley aru display kuriboley. Itu directive toh hoiley olop din agetey Karnataka laga High Court para observe kuria pichetey aha laga thakishey, itu authorize nathaki kena aru thik para national symbol khan, emblem khan aru naam khan nachulawa karney, alag alag public aru private jaga khan tey.
Itu emblem kuntu tey teenta lion khan asey, itu Lion Capital para, tatey ghora aru guru jump kuri thaka laga asey duita alag side tey aru itu majetey Ashoka Chakra asey, tatey motto toh “Satyameva Jayate” likhi kena asey, Devanagari script tey, itu toh hoiley India laga Government laga official seal asey. Itu laga use toh hoiley India laga State Emblem Act, 2006 para govern kuria laga asey, aru itu logotey thaka associate thaka rule khan 2007 tey notify kuri kena asey.
Itu MHA para aru koishey, poila tey advisory issue kuri kena thaka 4th August 2016, 5th February 2019, aru 3rd February 2025 tey, tai para widespread awareness aru enforcement kuriboley koishey, itu provision khan laga. Itu ajikali laga directive toh, itu High Court laga order laga light tey thaki kena, kuntu 4th April 2025 tey asey, Writ Petition No. 4635, 2024 laga, specific measure khan lay kuri kena asey, phat para implement kuriboley nimitey.
Add Comment