Centre para Fuel daam otha te Rs 4.91 Crore Revenue paikena ase

Baharampur: Saturday din Lok Sabha te Congress leader, Adhir Ranjan Chowdhury para janaishe ke, etu saal January moina para loikena itya dak te petrol aro diesel laga daam 69 paar otha nemite Centre toh 4.91 crore revenue kamaina ase koishe. Mr Chowdhury toh West Bengal Congress chief be ase aro tai para state te Trinamool government logot Chhattisgarh administration laga neum jolaikena fuel laga daam komti hoboli nemite Value Added Taxes (VAT) hataboli koishe. “desh laga manuh khan besi duhk te ase, Delhi te Narendra Modi government para  January 1 para loikena petrol aro diesel toh 69 paar othai deya nemite .91 crore revenue paikena ase,” Koishe. “BJP government para manuh laga duhk oper te morom eku nai. Ami khan para Centre logot fuel daam komti koriboli koi ase, keli koile petrol toh litre te 100 hoishe aro diesel be 100 hoboli osor te ase aro LPG rate toh cylinder te 850 hoishe,” koikena senior Congress leader para reporters logot khobor toh janaishe. Tai para koishe ke, Chhattisgarh te Congress government para VAT hatai deya nemite petrol laga daam toh litre te Rs 12 komti hoishe, etu nemite dosura state administrations logot West Bengal laga neum neshina toh jolaboli janaishe. “ami khan jani ase ke West Bengal te Trinamool government para 1,300-Rs 1,400 crore neshina toh VAT para hatishe, hoilebi party toh etu neshina power thaka samai manuh nemite kam koriboli lage,” koikena Mr Chowdhury para janaishe. Sawal kora te jawab deya te tai para koishe ke, main opposition party para Lok Sabha aro the Vidhan Sabha te be Parliamentary Accounts Committee (PAC) laga post thikena ase. “ami PAC chairman tin(3) paar korishe aro ami laga nam toh leader Sonia Gandhi para thali thishe. Hoilebi, final fesla toh speaker para koribo, tai laga neum te PAC chairman toh junibo,” tai koishe.