October 16, 2023 : School laga students khan juldi he, tai khan laga nijey nijey laga unique identification number pabo, tai khan laga ama baba laga consent di kena. Itu National Education Policy (NEP) 2020 laga hisap tey, itu Union ministry od education para planned kurishey, ‘One Nation, One Student ID’ banaboley karney, kuntu toh hoiley ‘Automated Permanent Academic Account Registry (APAAR) koi kena, sob students khan nimitey, pre-primary para higher education tak.
Itu toh hoiley itu 12 digit Aadhaar ID laga addition tey asey, ki, sob students khan logotey asey. Itu APAAR ID, kuntu toh ekta Education Ecosystem Registry nahoiley edulocker asey, itu toh hoiley ekta lifelong identification number koi kena manibo parey koi asey, aru itu para toh students khan ke track kuriboley paribo, tai khan laga academic journey aru achievement laga.
Ministry of education toh hoiley direct kuri dishey, sob States aru union territories khan ke, itu process toh shuru kuriboley, APAAR ID khan banaboley karney, students khan nimitey. “APAAR aru National Credit Framework (NCrF) toh hoiley notun OR code hobo, learners khan nimitey, pura India tey. Sob skill tai khan loa toh hoiley yatey credit hobo,” loishey T G Sitharaman, AICTE laga chairman para.
Itu school education department para koishey educational institution khan ke, ekta meeting organise kuriboley parents aru teachers khan bhitor tey, October 16th aru 18th majetey, APAAR ID banaboley laga importance toh discuss kuriboley karney.
Add Comment