June 6, 2021. Central government para parai dak Jammu & Kashmir te COVID-19 bemari logot larai kori thaka samai motob dey ase, koikena Saturday din Union minister Jitendra Singh para khobor toh junaishe. Tai para koishe ke, Union territory te healthcare institutions para kam neshina medical infrastructure, oxygen supply aro bed strength toh bemari manuh khan nemite thiboli kam jai ase koishe. Jitendra Singh toh state te Prime Minister’s Office te minister ase, tai para etu khobor toh Kathua district te visit kora samai junaishe aro etu jaga toh tai laga home constituency, Udhampur ase koishe. Tai para Deputy Commissioner Rahul Yadav logot Covid bemar manuh laga wards bona te Rs 10 lakh motob thishe. Tai etu jaga visit kora samai, bacha group ekta kaun bemar para ama/papa morishe etu khan logot lok paishe. “itya desh toh coronavirus second wave te besi dukh ase. Jammu province te etu wave samai positivity rate sobse besi hoishe aro manuh khan besi jun morishe, etu nemite jevan toh dukh hoikena ase,” tai para koishe. Singh para aro koishe ke, etu becha khan logot poisa deya he nahoikena, ahiboli din nemite tai khan ke chotu rasta ekta hoilebi kuli thibo” koishe. “Prime Minister Narendra Modi para besi tangor kam kora te etu bacha khan nemite financial motob koriboli junaishe aro etu motob para ahiboli din te dukh napaboli nemite kam koribo,” tai para aro koishe. Singh koishe ke, central government para Jammu & Kashmir te covid logot larai kora samai narokina motob kori ase. Immediate relief thibo nemite, Government of India para Parliament laga authorised members logot MPLAD funds Rs 2.5 crore toh Covid nemite thiboli janaishe aro etu oper te medical aro healthcare saman thiboli be janaishe. Minister para aro koishe ke, olop din akhe Union territory te Covid cases othi-thaka toh itya tui(2) hafta neshina komti hoikena ase.
Add Comment