Headlines • Regional

Centre para Karbi Accord sign korise

September 4, 2021
16 Views

Agencies, 04 September: Saturday te Centre para Delhi te alak alak militant organisations logote Karbi Accord sign korise. Sign kora samai Assam chief minister Himanta Biswa Sarma, Union minister Sarbananda Sonowal aro Karbi Anglong Autonomous Council CEM Tuliram Ronghang thakise. Central government para Saturday te Memorandum of Settlement (MoS) te sign kora sob conditions te fulfil hobo, Karbi Anglong region te lamba samai shanti aro development nemite agae rasta khulibo koise.

Union Home Minister Amit Shah para 5 sal te Karbi region laga development nemite Assam government para Rs 1000 crore nesana phelabo koise.

MoS te sign kora Karbi armed groups laga representatives toh Pradip Terang, chairman, Karbi Longri North Cachar Hills Liberation Front (KLNLF); Kongkat Teron, vice-chairman, People’s Democratic Council of Karbi Longri (PDCK); Wellesley Terang, chairman, United People’s Liberation Army (UPLA) thakise.

Tusara representatives toh Mensing Kramsa, chairman, Karbi People’s Liberation Tigers (KPLT); Sam Sing Tisso, chairman, Karbi People’s Liberation Tigers (KPLT), ceasefire; Run Rongpi, chairman, Karbi People’s Liberation Tigers (KPLT-R) thakise.

Tusara signatiories- Assam chief secretary Jishnu Barua, additional chief secretary (Northeast), Ministry of Home Affairs; Assam chief minister Himanta Biswa Sarma aro  KAAC CEM Tuliram Ronghang thakise.

Chief minister Sarma para KAAC area te infrastructure laga development nemite Centre para Rs 500 cr (ek sal te Rs 100 cr) debo pari koise aro etu opor te Assam government para area laga development nemite Rs 500 cr motob koribole ase koise.

Sarma para sob signatory armed groups khan gondogol laga rasta charibo, tai khan laga hatiyar surrender koribo aro Agreement sign kora ek moina pithor tai khan laga organisations alak (disband) koribo koise. Etu groups laga sob camps be khali koribo koise.

Sarma para be autonomous state demand te mela agitations samai jevaan lowa howa aro tai khan ke eku compensated nakorikena thaka te, Rs 5 lakh each toh tai khan laga khor manu khan ke debo koise.