New Delhi, 13 January : Central Government National Sports Governance Act, 2025 laga under te National Sports Governance (National Sports Bodies) Rules, 2026 notify korise.
Itu Rules pora Sportspersons of Outstanding Merit (SOMs) ke include koribo laga framework dise, aru National Sports Bodies aru Regional Sports Federations laga General Body aru Executive Committee laga composition, election procedures, aru member disqualification criteria bhi clearly mention korise.
Itu Rules te National Sports Election Panel nimite provisions ase aru National Sports Board logote affiliate units laga registration aru time-to-time updating koribo laga procedures bhi specify kora ase. Main provisions modhye, itu Rules te National Sports Bodies laga General Body te kom se kom 4 Sportspersons of Outstanding Merit include koribo laga rule ase. Women SOMs laga proper representation ensure koribo nimite, Rules te clearly mention ase ki General Body te 50 percent women sportspersons of outstanding merit thakibo lagibo.
Itu Rules te tiered criteria bhi prescribe korise, juntu different sports disciplines laga requirement meet koribo nimite broad rakha ase. Itu Tiered criteria te total 10 ta Tier ase — Summer Olympic Games, Paralympic Games aru Winter Olympic Games te gold, silver nahole bronze medal jita sportspersons pora loi, National Games nai hole National Championship te gold, silver nai hole bronze medal jita sportspersons tak cover kore.
Add Comment