July 01, 2021. Union health ministry para letter te Northeast states sob logot Covid-19 halat toh konuba state laga districts te containment kam toh kara koriboli janaishe. Union health ministry para Northeast states logot joldi te steps loikena Covid-19 positivity rate toh 10% neji te aniboli kam koriboli janaishe. Dosura alag letter te 8 northeastern states laga chief secretaries ke, Union health secretary Rajesh Bhushan para konuba districts te positivity rate toh ek hafta oper para 10% logot besi jai ase janaishe. 8 northeastern states logot letter leka jarikena Bhushan para aro dosura 7 Indian states te Covid positivity rate toh 10% oper jai thaka nemite etu eke letter para janaishe. Letter te kowa toh kaun districts te positivity rate toh 10% oper register korikena ase, etu jaga te strict containment zone bonaikena hospital te 60% bed oper te oxygen aro ICU beds thakiboli janaishe. Etu hoshari kam koriboli janai deya toh India te Covid cases komti howa thiki thaka samai koishe. India te manuh mora rate toh be komti hoikena jai ase koishe.
Add Comment