New Delhi, 29 November : India Government opor laga Sports Minister Mansukh Mandaviya Thursday din Rajya Sabha ke likha reply te koi dise ki Khelo India Scheme opor total 323 notun sports infrastructure projects approve korise, jun laga amount Rs. 3073.97 crore ase.
Khelo India National Programme for the Development of Sports, jun 2016-17 te shuru kora hoishe, desh laga sob jagate sports te mass participation aru excellence ulaikena nurture kora hisab te banai dise. Aro itu scheme suru te Rs. 1756 crore financial outlay aru 2017-20 period laga tin sal karone approve kora hoishe. Pichete, itu scheme extend aru revise kora hoishe, aru latest extension 2021-2026 tak ase, jun karone Rs. 3790.50 crore allocate korise.
Mandaviya alak alak achievements bhi highlight korishe, jiman laga under 1041 Khelo India Centres (KICs) establish kora hoishe, jun bacha khan ke training aru grassroots sports infrastructure develop koribo karone banai dise. 32 Khelo India State Centres of Excellence (KISCEs) notify kora ase, aru 301 sports academies accredited korise.
Khelo India Scheme opor 2781 athletes ke coaching, equipment, medical care, aru monthly Out of Pocket Allowance (OPA) support di ase. Itu sob efforts laga karone sports development te dangor impact hoishe, kiki facilities sob citizens karone open ase, Mandaviya koi dise.
Add Comment