Centre pora Bru refugees laga aid rukhai dishe

AIZAWL, October 1, 2018: Ministry of Home Affairs (MHA) khan pora Bru refugees khan ke dibole thaka subsistence allowance khan ration supplies aro cash dole khan Monday din pora rukhaidishe .Etu khobor toh  Panisagar North Tripura district, Lalnemmemi Darlong, laga Sub-Divisional Magistrate pora dishe .MHA pora koishe allowance khan kubi poisa aro ration supplies October 1 pora bondh kuridishe  Mizoram Bru refugees khan ke .Etu khan toh  North Tripura district Tripura laga six evacuee camp te buikena .MHA laga instructions diya toh September 25 pora olaishe . MHA Special Secretary (Internal Security) Rina Mitra, Joint Secretary Satyendra Garg aro dusra manu khan koishe  August te Tripura laga sob Refugees camp khan toh bondh huijaishe  BRU manu khan Mizoram te wapas jabole naparah karne September moina te.Etu  notification uporte jawab dikena  Mizoram Bru Displaced Peoples Coordination Committee (MBDPCC) president L Laldinliana, koishe tai janikena thakishe government laga decision toh .Ami khan pora ekta meeting lobole ase refugees khan logote kun khan etia Tripura te ase .Mizoram te etia  tak Kanchanpur aro Panisagar sub-divisions North Tripura district laga 6 relief camps pora khali 40 manu khan hi wapas jaishe .Hoilebi 32,000 refugees khan nishena relief camp te hi ase etia tak .Etu repatriation process toh August 25 pora shuru kurikena September 25 te khotom hoishe .