NEW DELHI, OCTOBER 4 : Thursday din Union Finance Minister Arun Jaitley pora dail daam namaidese. Etubi Petrol aro Diesel dail laga daam Rs. 1.50 pora. Etu namaidiya ke tai bi Oil Marketing Company kan ke Rs. 1 pora namaidebole janaise. Kele etu porahi Rs. 2.50 hisabte namaidiya hobo koi kena. Etu karne edia toh dail laga daam besi uthe kena thaka pora ami kan India manu kan ke diktar banaide kena thaka pora edia toh Rs. 2.50 pora namaide kena aram huise koise.
Etu oporte Union Minister Arun Jaitley porabi sob states kan ke Centre pora dail daam namaidiya nesena Rs. 2.50 pora dail daam namaidebole kuribi koi kena janaise. Kele etu pora edia toh Rs. 5 hisabte namijaa hobo koi kena. Huilebi etu ke Opposition party kan besi jun khushi nabai kena ase. Kele asul te dail daam toh Rs. 10 pora namaidebole thaka koi kena.
Etu Dail daam namaidebole khobor janaidiya bejete Gujarat, Madhya Pradesh, Jharkhand, Maharashtra aro tusera kunoba States tebi etu Thursday din porahi Rs. 2.50 pora namaidebole kura huise koise.
Add Comment