KOHIMA, SEPTEMBER 20 : Centre pora Rs. 65.26 crore poisa toh National Disaster Relief Fund (NDRF) laga naam pora debole kotha manise. Etubi Nagaland state laga alak-alak jaka te nahua mousom pora pura ulta-bolta kuridiya nemite.
Finance Commission Division, Finance Ministry bitor laga hisabte Rs. 65.69 crore poisa toh High Level Committee (HLC) pora chamala nemite dedebole karne manise. Etubi Rs. 43 crore poisa nade kena thaka dedebole kuri kena. Kele etu poisa toh April 1, 2017 hisabte etu SDRF Account, ami kan state lag ate Disaster/calamity nemite debole hisabte mani kena thaka poisa ase koi kena.
Etu karne edia toh nade kena thaka toh Rs. 65.26 crore ulaijaise. Aro etu poisa toh Home Ministry OM pora dedebole kotha janaidiya hisabte July 7, 2018 te dedese koise.
Khobor hisabte Union Home Minister Rajnath Singh pora ahkete luijai kena mana High-Level Committee (HLC) meeting manaise. Etubi June 2018 phale. Etu time te Nagaland (affected by floods/landslides during 2017-18) karne Rs. 65.69 crore poisa dedebole hisabte kotha manaise koise.
Add Comment