June 11, 2021. Union health ministry para koishe ke, Assam, Punjab, Maharashtra, Haryana, Tamil Nadu, Delhi aro dosura 12 states te health care workers (HCW) khan Covid-19 vaccination toh besi komti registered hoikena ase. “etu samai, health care workers (HCW) laga first dose Covid-19 vaccine lowa toh national average te 82 per cent ase, hoilebi national average hesab te second dose toh 56 per cent ase,” koikena Union Health Secretary Rajesh Bhushan para janaishe. 18 states aro union territories pithor te Punjab, Maharashtra, Haryana, Tamil Nadu, Delhi aro Assam te national average hesab te vaccine lowa toh besi komti ase,” Bhushan para aro koishe. Front line workers (FLWs) nemite national average hesab te first dose vaccine loikena thaka toh 85 per cent, hoilebi FLWs nemite national average hesab te second dose lowa toh kali 47 per cent ekla ase. 19 states aro union territories pithor te Bihar, Haryana, Maharashtra, Tamil Nadu, Andhra Pradesh, Puducherry, Telangana, Karnataka, and Punjab te FLWs nemite second dose coverage toh national average logot be komti wala ase. Revised guidelines hesab te, private hospitals te vaccine stock toh 25 per cent neshina rakiboli pareh aro private CVCs para government vaccination coverage te motob thiboli paribo koishe. Union health secretary para koishe ke, frontline workers khan nemite universal coverage aro full protection toh bemari samai thiboli dukh ase koishe. Manuh khan nemite tik samai vaccination deya te full protection baboli koishe. Etu nemite states khan logot second dose nemite samai bhal saikena etu kam toh joldi kotom koriboli janaishe.
