Agencies, 04 August: Tuesday te Nagaland Chief Minister Neiphiu Rio para assembly te khobor janaideya te central government toh Notheastern states majote Independence laga 75 sal namana agae sob inter-state border issues thek koribole kaam kori ase koise.
Opposition MLAs Dr Chumben Murry aro Imkong L Imchen para queries te jawab dekena Rio para tai tai Assam counterpart Himanta Biswa Sarma logote telephonic conservation thaki koise aro dekthari jaga border te tension kenaka namabo aro enaka peace maintain koribo etu opor te kotha korise koise.
Rio para July 31 te tuita states para Ao Senden aro Vikuto villages te tension namabo nemite agreement sign korise koise. Tuita goverments para long disputed border para respective police outposts hataishe koise.
Tai khan para be etu jaga khan te fresh entries nahoile activities howa nathakibole nemite sabole satellite mapping lobole fesla korise koise.
Rio para be jowa moina Meghalaya’s Shillong te NEC meeting samai tai aro Sharma toh Union Home Minister Amit Shah logote border issues te kotha korise koise.
Shah para clearly Independenc laga 75th sal namana agae te sob etu inter-state border dekthari thek koribole laki koise.
Add Comment