Kohima, October 19: Kohima local ground te Centurion Football Club, Kohima Village pora Viswemi FC Viswema ke 2-0 pora harai di kena NSF Martyrs’Memorial Trophy chitise.
Centurion FC pora game lead kurise aro Vekhruto Resu pora pohila lead goal score kurise.
Viswemi FC khan bhi ektam tagot dhakise hoile bhi wapas terabole pariya nai.
Lemon break biche te, Centurion khan dominate kuri kena aro bhi 81st minute Yhunshalo Kemp pora double score dibole parise te.
Trophy chiti kena, Centurion FC khan Rs 2 lakh cash aro trophy paise aro runners-up Viswemi FC khan Rs 1.2 lakh paise.
Individual awardees khan toh: Player of the Tournament – Viswemi FC laga Keduvikho Mekro pora Motorbike paise; Higher Scorer –Meriema Village Youth Organization te pora Vizotuolie Lhousi; Best Goal Keeper – Medophrezo Kezieo Centurion FC; Best Defender – Centurion FC laga Nighato Assumi; Best Midfielder – Medziphema Town Youth Organization laga Visalie Mezhü.
Individual awardees khan sob bhi cash Rs 10,000 logot te quotes paise aro hariya Semi-finalist
aro quarter-finalists khan bhi sob Rs 30,000 aro Rs 15,000 paise.
special guest karne Member of Rajya Sabha, K G Kenye dhakise.
Add Comment