March 05, 2025, 05:48 PM: Tourism & Higher Education laga Minister – Temjen Imna Along para itu pass hoi kena thaka Student khan kun toh hoiley itu course toh complete kurishey alag alag discipline khan tey tai khan ke congratulate kuria homoi tey koishey ki, khali certificate pailoa toh hey hoi jaishey eneka nahoi, hoilebi itu toh hoiley aru bhi shikhiboley laga shuru hoa laga asey aru life tey aru bhi bhal outcome khan nimitey strive kuriboley laga.
Itu Minister para koishey itu, tai tatey Guest of Honour hisap thaki kena address kuria homoi tey koishey, itu 38th Convocation of Indra Gandhi National Open University (IGNOU), Regional Centre, Kohima, Nagaland laga homoi tey, kuntu toh hoiley Capital Convention Centre, Kohima tey para loishey, 5th March 2025 tey.
Imna Along para itu student khan ke ekta game changer hoboley karney encourage kurishey, itu society tey, ekta parasite nishina nahoi kena. Tai para itu graduate kuria student khan hosa tey khara kuria manu hoboley karney urge kurishey nijey karney aru honesty, mehnat kuria, aru bhal hospitality thaka laga quality khan aniboley karney koishey, kuntu toh moi khan laga forefather khan para practice kuri kena ahishey, poila homoi tey para, itu Naga manu khan bhitor tey, aru tai khan society toh thik raasta tey chulai jaishey.
Director’s Report, Regional Director, Dr. Premila Swamy D para welcome address diya homoi tey, inform kurishey ki, Kohima Regional Centre under tey, 220 (UG & PG) candidate khan toh hoiley Certificate paboley asey, 914 eligible student khan bhitor tey, kuntu tey toh hoiley 711 Masters Degree khan, 155 Bachelor laga Degree khan, 31 Diploma khan aru 17 Certificate program khan laga.
Add Comment