DIMAPUR, SEPTEMBER 7 : CFSB/CFMG laga notun Chairman Lt. Gen. Shokin Chauhan (Retd) ke khushi aro ekta hisab janaidebole aro dekhaidebole (pay Courtesy visit) karne NSCN/GPRN-R kan Friday din Dimapur te jaise aro lok kurise. Aro etu lok kurikena kotha kuribole karne Staff Officer T Mere (Deputy Commandant) pora motub kurise koise.
Etu lok kurikena kotha kuribole thaka toh ene ekta hisab dekhaidebole (Courtesy visit) karne hi thaka pora etu lok kurikena kotha mela kura time te besi kotha kura nai koise. Huilebi etu notun Chairman pora etu NPGs kan logot mela-mele kurikena bhal te thakibole kuri ase koi kena janaise. Etubi Shant nemite (peace) huise koile. Aro chuti etu shant nemite tusera ulta-bolta kotha kan aro diktar chamala laga kotha ulaise koile tai osorte ahe kena etu khobor toh janaidebole kuribi. Kele etu shant nemite tai kotha kuri kena mela kuridebole aro saidebole laga hi ase koi kena. Etu oporte tai bi public manu kan (stakeholders) aro kun huilebi ekjun-ekjun ke mon melekena thakibole kurise koile hi bhal hobo. Aroe tut oh tai laga babunahi ase koi kena janaide thakise.
NSCN-R bi shant laga kotha manabole nemite tai kan mon de hi babuna te ase. Aroe tu shant nemite tai kan kinika huilebi ahkete ahe kena mela kuribole karne kusis kuribole hi ase koi kena janaise. Etu oporte tai kan bi bhal aro ki-ki sob jani kena thaka manu nesena etu notun Chairman nemite Lt. Gen. Shokin Chauhan (Retd) hua toh ekta bhal aro khushi laga kotha ase koi kena janaise. Kele etu Chairman toh ami kan desh bitor laga aro bahara laga ki-ki sob jani kena ase. Aro etu oporte Northeastern States aro Nagaland laga ki-ki kan bi sob jani kena ase. Etu hisabte tai kan NSCN-R kan babuna te edia toh ahkete bhal te shant huijabole ase koi kena bisas thaka janaise.
Etu CFSB/CFMG Chairman toh Northeast jaka kobi Nagaland state kebi melekena besi bar Army Officer nemite ahe kena kam kuri thaka laga ase. Aro alak-alak kam kan etu jaka te manai kena thakise. Etu oporte tai (Chairman) bi etu NE jaka aro manu kan ke khushi baa aro morom kura janaidiya thakise koise.
Etu NSCN-R laga manu kan toh Kilonser Viniho Kiho (Co-Chairman CFSB), Kilonser Newell Achumi (Member CFSB), Toshi Longkumer, Secretary (CFSB) aro MIP (I/C) Amento V Chophi (Tatar) kan thakise. Aro tai kan porabi Sumi laga Traditional Vest Coat toh etu Chairman, CFSB/CFMG laga ke dedese koise.
Add Comment