Tuesday 2nd September 2025: Bollywood te ekta bishi gorom khobor ahi na ase. Film bana manu khan confirm kuri dishe ki Janhvi Kapoor naya film Chaalbaaz remake te main role play kuribole ase. Asli Chaalbaaz 1989 te release hoishe, aro etu time te Sridevi double role play kuri kina mashoor hoijai she. Tai laga acting aro comedy toh ajikali bhi manu khan yaad kuri thake.
Age news khan te koi thakishe ki Shraddha Kapoor etu role pabo, aro fans khan bishi khushi hoishe, karon toh tai laga style aro acting toh Sridevi laga role karne bhal takhibo koikina manu biswas kuri thakishe. Kintu ajito confirm hoishe ke Janhvi Kapoor role pabo.
Social Media te bishi manu dukhi hoishe. Tai khan kotha kuri thakishe ki, Janvhi laga comedy timing aro acting power etu role karne bishi bhal nai. Manu khan koi thakishe ki, Sanya Malhotra nohoile Alia Bhatt etu role kurile bishi bhal hobo.
Kintu ekta side te Janvhi la supporter khan kotha kuri thakishe ki etu chance toh tai karne bishi dangor ekta hobo. Tai karne etu film toh nijor ke prove kuri la homoi ekta hobo. Fans khan rukhi takhibo etu film ke olabole.
Film remake bishi risky ekta ase, karon toh film ke compare kuri thake nutun aro purana ke. Chaalbaaz purana film bishi manu laga favourite ase, etu karne expectation bishi dangor ase.Remake toh pre-production te ase, aro aha din te director film ola la din koi dibo.
Add Comment