US, 15 April ; World Health Organisation (WHO) para April 14 dey World Chagas Disease din observe kurishey itu bhaal para dhian nadia bimari laga janai diwoley. Itu global health body kuishey ki itu para bishi dukh dey aro public awareness uthai diwoley kuishey, aro itu bimari ke julti diagnose kuriboley aro comprehensive follow-up care initiatives kuriboley bishi funding aro support secure kuriboley kuisheu. WHO para takhan laga website dey ekta dedicated page panaishey kutey kuishey ki itu Chagas bimari
toh continental Latin America laga poor population maju dey bishi dikhi pai huilewi alag desh aro continents dey bhi uthia bishi dikhi pai asey.
Chagas Disease ki asey?
Itu toh ekta infectious bimari asey kuntu ekta protozoan parasite Trypanosoma cruzi karney ulai. Itu bimari toh Brazilian physician Carlos Chagas laga naam piche dey dishey, kun para itu 1909 dey discover kurishey.
Chagas bimari toh manu khan ke infected triatomine bugs para kamurina transmitt hui jai, kuntu ke “kissing bugs” kuina bhi jani pai, kuntu para khoon khai aro bishi par raati dey active thakey. Kunwa experts kuisheh ki itu toh blood transfusion, organ transplant nahuiley contaminated khana aro beverages para bhi spread hui.
WHO kuishey ki itu toh ekta “silent aro silenced bimari” asey kitia itu infected majority toh eku symptoms nathakey nahuiley bishi mild symptom thakey.
Chagas bimari laga Symptoms
WHO statistics laga hisab dey, pura duniya dey approximately 6-7 million manu khan ke Chagas bimari para infect huina asey, aro hotai saal 10,000 maut hui.
Johns Hopkins para Chagas bimari laga kunwa main symptoms ke list kurishey, huilewi warn kurishey ki itu toh alag bimari logot para distinguish kuriboley dukh huwo.
Kunwa symptoms toh :
* Mild flu-like symptoms, fever, fatigue, body aches aro headaches
* Rash
* Appetite haria
* Diarrhea
* Vomiting
* Swelling nahuilewi suku laga osor dey nahuiley shakal laga side dey sore kutey itu bite nahuiley infection huishey
* Enlarged glands
Chagas bimari laga stages
Itu bimari toh tuita stages dey progresses kurey : Acute aro chronic. First stage dey, mild, nahuiley eku symptoms nathakey, aro diagnose kuriboley dukh thakey.
Itu chronic stage toh bishi saal nahuiley decades bhi manifest kurey agey infection piche dey. Chronic phase dey, itu parasite toh patient laga heart muscle pitor dey ghusi jai, Johns Hopkins hisab dey.
Iti para abnormal heart rhythm huwo parey aro khawoley aro hagiwoley dukh pawo.
Add Comment