New Delhi, 28 November : Feyenoord 3-0 pora haribo loi thoka khan pora Manchester City laga against Champions League match te 3-3 draw koribo lagi pichede late te tinta goal score korise aru Pep Guardiola laga side opposite ekta point earn korise.
Erling Haaland duta goal marise, aru ta laga first goal ke Champions League history te sab pora fast 50 goal involvement pa bola player banai dise, juntu ta laga 44th appearance te penalty spot pora break rakhar age te score korise.
Ilkay Gundogan laga effort host khan ke pura control te rakhi thakise. Kintu Dutch side laga Anis Hadj Moussa, Santiago Gimenez aru David Hancko laga final 15 minutes te tinta goal te ekta point uthai loise.
Hadj Moussa hesitant defending laga advantage loi visitors khan ke ekta hope diya pora Santiago Gimenez tap in marise aru deficit aru komai dise. Itu thrilling finish setup koribo lagi aru David Hancko Igor Paixao laga cross pora ekta header maribo te wild celebration start korise.
Dusra match te, ekta Dimarco laga free kick Castello Lukeba pora deflect hua Inter Milan ke Leipzig opposite narrow win di dise, juntu pora ta khan league phase summit te 5 games pichede 13 points ulaise.
Simone Inzaghi laga side 27th minute te lead loi dise, jabole Dimarco laga free kick Lukeba pora nijor goalkeeper opposite divert hua.
Denzel Dumfries break pichede ekta shot wide maira dise aru Yann Sommer Antonio Nusa laga dusra side te deny korise, juntu Nerazzurri ke itu season laga competition te fifth successive clean sheet di dise.
Dusra jagah, Arsenal Sporting CP opposite Lisbon te ekta dangor attacking display te 5-1 victory uthai loise.
Gabriel Martinelli early opener marise, aru pichede Kai Havertz ekta team goal pura finish korise aru Gabriel set piece te half-time rakhar age ekta header marise.
Sporting break pichede laga intent loise aru Gonçalo Inácio laga ekta goal pora score kushi dise, kintu Bukayo Saka laga penalty aru Leandro Trossard rebound pora ekta header Arsenal ke victory confirm korise.
FC Bayern Paris Saint-Germain ke 1-0 pora harai Champions League te crucial 3 points loise.
Minjae Kim laga close-range header Bayern ke ta khan laga consecutive 7th match te win aru goal no concede confirm korise. Korea Republic international nod maribo te Paris defence Joshua Kimmich laga corner swirling delivery clear koribo naparakha pichede net te score korise.
Paris ten men bhal te hour mark pora kheli thakise, pichede Ousmane Dembélé second booking karone out hoise, aru Matvei Safonov Jamal Musiala laga ekta powerful strike post te bachai dise.
FC Barcelona striker Robert Lewandowski UEFA Champions League laga 100th goal marise juntu Brest opposite 3-0 win te ta khan ke lead di dise.
Lewandowski ekta penalty te 10th minute te Barcelona ke lead di dise, Brest goalkeeper Marco Bizot striker ke back te bump maribo laga mistake karone penalty di dise.
Itu ta laga Champions League laga 100th goal aru itu season laga competition te 6th goal ase.
Add Comment