Munich, 31 May : Paris Saint-Germain aru Inter Milan Saturday din Champions League final te ek dusra logot face koribo. PSG etiya first time European club football laga prestigious title jitor try korise, aru Inter nijor fourth title pabo bisari ase.
Match tu Bayern Munich laga Allianz Arena te hobo, juntu 75,000 manu bohi bole pare, aru 9:00 pm (1900 GMT) te shuru hobo. Inter laga team te experience ase, aru PSG etu final te dusra bar jabo, 2011 te Qatari takeover hobar piche para club tu transform hobo pora.
Juntu team jibo, itu Real Madrid laga jagah te champion hobo. Paris te excitement dangor hoi ase, jahan PSG laga Parc des Princes stadium te karib 40,000 fans boro screen te match dekhibo, aru pura city te bisi police rakhibo laga plan ase.
Europe laga season tu etu match te end hobo, aru itu ekta interesting clash hobo—ekta traditional European powerhouse aru ekta modern state-owned superclub majote. PSG etiya bhi Champions League najiti paise, though bisi taka investment hobar piche te. PSG laga closese try 2020 te hoisil, jitu time te Bayern logot Lisbon te hara gisil, pandemic time te. Kylian Mbappe aru Neymar team te thakile bhi jitipar nai. Bikh famous Lionel Messi ahile bhi help nai koripare, aru PSG laga Munich te etu bar run hoise, jabole Kylian Mbappe bhi club chari dise, Neymar aru Messi pora piche.
Spanish coach Luis Enrique laga under te, PSG laga ekta dynamic aru young team Europe ke shock disey last few months te. January te 2023 champion Manchester City ke comeback win diya tu ekta turning point hoisil. PSG tar piche Liverpool, Aston Villa aru Arsenal—tinita Premier League team ke eliminate korise aru French league aru cup duita bhi jiti loise. Ousmane Dembele PSG laga star ase, 33 goal disey, aru Desire Doue, Bradley Barcola aru January signing Khvicha Kvaratskhelia bhi front te support dise. Dusra standout players te ase Achraf Hakimi (former Inter player) aru Italian goalkeeper Gianluigi Donnarumma.
Jodi PSG jitijai, taile France laga only second team hobo juntu etu title jitibo. Marseille 1993 te etu title jitise, Munich te he, old Olympic Stadium te, Inter laga city rival AC Milan ke hara pora.
Inter last Italian team ase juntu etu title jitise—Jose Mourinho laga team 2010 te Bayern ke Madrid te harai jitise. Inter dusbar 1960s te bhi etu title jitise. Coach Simone Inzaghi etiya team handle korise, aru duita saal age Inter final te jabole City ke narrow margin te harisil. Etu team te 8 players ase juntu again start koribo pare, aru etu experienced lineup te tini jon player ase juntu 36 saal pora dangor ase. Inter quarter-final te Bayern ke harai, aru semi-final te Barcelona ke ekta thrilling match te para out korise.
Bisi interesting kotha etu ase ki PSG aru Inter laga etu first competitive match hobo. Friday din te fans bisi joni Munich te pohchise, aru Paris te PSG laga stadium chara aro tini jaga te fan zones setup korise. PSG laga Arsenal ke semi-final te hara pora violence hobor karone, etiya final din te Paris city aru suburbs te 5,000 pora beshi police deploy koribo. Milan te bhi, das hajar pora beshi fans Inter laga San Siro stadium te match dekhibo.
Add Comment