Madrid, 11 December : Real Madrid laga dangor stars pura style te khelikena, Spanish giant laga Champions League title defense revive kurise Tuesday din.
Galacticos Kylian Mbappe, Vinicius Junior aru Jude Bellingham sabole motoli thrilling 3-2 win loi ase Italian league leader Atalanta opor te. Kintu Madrid laga luck bhi khelise, karon Mateo Retegui stoppage time te ekta golden chance pai jaise, kintu goal front pra shot miss kurise aru game tie kuribo napara ase.
Madrid karone itu sirf tiniti jeet ase naya revamped league phase te, aru 15-bar champion unseeded playoff positions te ase, 18th place te thakikena.
Dusra side te, six-time champion Liverpool pura dominating ase aru Europe te itu season laga perfect record maintain kurise ekta 1-0 win loi Girona opor te.
Madrid moto, Paris Saint-Germain bhi ekta bhal jeet loi jaise, Salzburg ke 3-0 haraikena last playoff spot te ase, 24th place te. Bayer Leverkusen second te ase Inter Milan ke 1-0 haraikena, aru Aston Villa Leipzig ke 3-2 haraikena third te ase.
Top eight teams direct round of 16 te qualify kuribo, aru positions nine pra 24 playoff face kuribo next phase pabo karone.
Madrid laga league phase te panchta match te tinta haar te pressure barhise taikan opor. Mbappe laga uncertain start PSG pra offseason move kurikena bhi question uthai ase. Kintu Gewiss Stadium te game laga 10th minute te Mbappe ekta pura classy moment produce kurikena Madrid ke 1-0 lead di ase — left foot te ball control kurikena, aru right foot te low finish kurise.
25-sal laga Mbappe laga itu Champions League te 50th goal ase. Lionel Messi ekla ase jun itu number younger age te pabo parise.
Mbappe halftime age ekta physical issue karone substitute hoise aru Charles De Ketelaere penalty spot pra game tie kurise break age. Kintu second-half te sirf tinta minute laga gap te, Vinicius Junior aru Bellingham duita goal mara Madrid ke pura control te loise.
Ademola Lookman laga goal 3-2 banai dise, kintu Madrid Retegui laga late effort survive kurise aru jeet rokhibo parise.
Add Comment