New Delhi, 19 February : Indian team pura Champions Trophy 2025 laga campaign shuru kuribo nimite tayar hoijai she. Rohit Sharma laga leadership te, itu team ekta bhal jeet pora shuru kuribo ase koi kena ase. India laga first match Bangladesh laga upor te hobo, aru itu season laga second match hobo Dubai International Cricket Stadium te, Thursday, February 20 din te.
Match suru hobo age te, bishi fans khan India laga lineup kiman bhal hobo koi kena bichari ase. Doubt nai, Men in Blue laga team pura star players khan pora bharpur ase—Rohit Sharma, Virat Kohli, Shreyas Iyer aru onno onno dangaor players khan thaka karone, itu team ekta dangaor favourite hobo buli koi thakishey.
Bhal kuri notice kuribo laga kotha tu ase ki Indian team Champions Trophy 2025 te jabole age te, England upor te ODI series te dangaor performance dikhai she. Jos Buttler laga team ke India laga mati te ekta ekta game jeeti kena pura clean sweep kuri dise.
England upor te comfortable jeet loi kena, Indian team confidence pora Champions Trophy approach kuribo nimite asha ase. Bangladesh ekta spirited team hoilebi, India laga recent performance khan dikhai she ki itu team ekta jeet loi jabole pura tayar ase.
India laga upcoming game laga lineup bishi conditions upor te depend kuribo. Hoilebi, Virat Kohli, Rohit Sharma, aru Shubman Gill to bishi confirm action te thakibo jabo laga ase jitia India laga campaign shuru kuribo.
India laga predicted XI: Rohit Sharma (c), Shubman Gill, Virat Kohli, Shreyas Iyer, KL Rahul (wk), Hardik Pandya, Ravindra Jadeja, Axar Patel, Kuldeep Yadav, Mohammed Shami, Arshdeep Singh
Add Comment