Chandrayaan-2 para India moon deh joldi jabole ase: PM Modi

New Delhi, January 27: Prime Minister narendra Modi para Sunday deh koikena thaga toh, India toh Chandrayaan-2 para moon deh joldi jabole ase. Tai toh space technology opor deh kushi powah thakise. Kelay koile etu para poisa aro life toh bacha bacha opor deh government schemes be debole para karni.

 PM Modi para tai laga ‘Mann Ki Baat’ monthly radio deh kowah toh, “Ami khan eki spacecraft para world record 104 satellites toh olabole parishe. Ami khan moon deh etu Chandrayaan-2 campaign para joldi jaa hoijabo”.

Tai para kowah toh, Indian satellites para desh laga power gara koribo aro tusara desh khan logodebe phal relation bonabo. Ocha services ola para aji India toh developing desh khan ekala ke nahoi kena developed desh khan logodebe satellites boost korishe.

Modi para kowah toh, government para space technology toh government scheme debo karni jolai ase aro etu opor deh government programme be thekse rakhi ase.

Prime Minister para kowah toh, desh independence hoikena 2014 sal tak keman be space mission deh parikena ase, jaija jar-sal parikena thaga ke saijaile eki hoise.

PM Modi para BPCL’s Integrated Refinery Expansion Complex inaugurate korishe

Sunday din Prime Minister Narendra Modi para Kochi, Kerala jaga laga Bharat Petroleum Corporation Limited’s (BPLC) Integrated Refinery Expansion Complex inaugurate korishe.

PM para kowah toh, jaija 50 sal time para Kerala aro neighbouring state logode sabha BPLC’c Kochi refinery toh dese.

PM para jama howah kkhan logode kowah toh, Indian Government PAHAL Scheme toh Guinness book of World records deh kushise. Kelay koile duniya deh etu toh sobse dangor Direct Benefit Transfer scheme howah para.

PM para kowah toh, 23 crore para be besi LPG jola khan PAHAL Scheme deh join hoise. PAHAL para ghost accounts, multiple accounts aro inactive account deh jabo karni motob dese”.

PM para be inaugural speech time deh koikena thaga khan toh, 10 % import tail namai kena motob powah, May 2016 time para 6 crore nesana LPG connect howah, ‘Give it UP’ plan pethor deh 1 crore para be besi customer logode LPG deya, 10^th CGD Bidding Round kothom howah bechide desh laga 400 opor district logode pipe gas supply debole aro Kerala jaga laga complex deh Rs 16,505 core poisa phela para tail laga mondukh komti howah laga kotha kowah thakise.