Changlang, October 4, 2024: Thursday din te, Changlang police khan para Muhammad Asgar Ali arrest kurishe. Government Secondary School (GSS) laga Headmaster (i/c) Guatampur, Diyun te Changlang laga district, bacha students khan ke sexual harass kurea karne.
2 October te Poilce para joint complain paishe Ali nimete. Koishe ki tai toh bacha students khan ke sexual harass kuri thakhishe. Watsapp te messages khan kuri kina.
FIR laga hisab te, Etu Headmaster toh etu school te bishi diri karne kam kuri thakhishe. Hoilebi tailaga bia kam karne bishi maiki students khan chari dishe aru class khan najai hoishe. Headmaster toh classes 9 aru 10 maiki students khan messages pathai koishe. Poisa dibole laga aru exams time te pass kuribole laga tarika chulai kina. Etu headmaster toh maiki khan ke tailaga official residence te mati kina bia chinis khan dikhai thakhea koishe.
Changlang SP Kirli Padu para koishe ki, etu Fir laga receipt te. Special team khan Miao SDPO Maga Tago, Diyun PS OC SI Lobsang Gendenand Lady SI NS Thoumoung khan thakhishe. Aru Human And Technical support CMCU PHQ laga haat para. Headmaster ke arrest kuri kina case registered kuri dishe [u/s 75(III), 79/351 (2) BNS, r/w Section 12, POSCO Act] Diyun laga police station te aru investigate kuribole.
Agea te etu Headmaster toh transfer kurishe GSS Guatampur para GSS Yangkang Yatdam circle te. Hoilebi All Tutsa Students Union, All Muklom Students Union aru the Yangkang Development Committee members khan Changlang DDSE ke lok pai kina letter submit kuri dishe. Etu letter te transfer laga order toh accused hoa laga tin din bitor te cancel kuribi koishe.
The DDSE para khobor dishe ki etu transfer laga order toh cancel hoishe koishe.
Add Comment