Changtongya, 28 April: 75th Azadi Ka Amrit Mahotsav laga samaan te, ekta Block Level Health Mela toh District Health Society Mokokchung para loise. Etu toh Community Health Center, Changtongya te 26th April 2022 te loise.
SDO (C) Changtongya, Rorheu Peseyie NCS para inaugural programme te kotha kora thakise. Tai para medical fraternity te dhaniyabad janaise kelay koile pandemic fight kora te tai khan apra ektum dukh pai kena kosish kori thaka nemite. Tai para be health mela laga maksat/objective opor te kowa thakise. Etu toh public ke phal health care facilities debole nemtie ase koise. Tai para public khan health mela te deya services te lobole nemite koise.
CMO Mokokchung, Dr. R. Chubala Aier para short speech samai te health mela lowa toh alak alak schemes para population laga helath status phal koribole aro alak alak health programmes opor te public ke awareness aro educate bonabole nemite ase koise.
Ekta short speech toh Chairman, All Ward Union Changtongya Town, Imkongmar para deya thakise. Programme te MO, CHC Changtongya, Dr. Imtimongba Kichu para chaired thakise aro vote of thanks toh SMO CHC Changtongya, Dr. Imtijungshi Aier para deya thakise. Sob meli kena 290 manu khan medical services powa thakise. Event samai te free para dawai khan deya thakise.
Add Comment