Mokokchung, 05 August: Yaongyimsen bosti deh GA rest house laga inaugural programme toh 1st August 2019 deh loise. Etu toh Advisor Industries & Commerce, Labour & Employment, Skill Development & Entrepreneurship, Imnatiba para inaugurate kora thakiser.
Tai para GA rest house laga plaque be ola thakise. Event deh tai koise, rest house laga aim toh gust khan ke shelter debole laga ase koise. Tai para concern department ke etu guest house toh thek para jolabole koise kelay koile etu para sob manu khan laab pabo nemide.
Programme deh SDO (C) Changtongya, Moakumzuk Tzudir chaired thakise. Technical report Er. Sungtiba America EE CAWD para deshe. Short speech ADC, Commissioner’s office Kohima, Limanenla; Head G.B Changtongya Town, Imkongsowa aro Tali Contractor para deshe. Vote of thanks Rajesh Soundararajan IAS Deputy Commissioner Mokokchung para deliver korise.
Yaongyimsen deh multipurpose hall laga inaugural programme deh Sentila Sanglier chaired thakise. Programme deh Imnatiba para landowner ke thanks janaishe kelay koile multipurpose hall bonabo nemide motob deya para. Etu para bosti manu khan ke laab pabole ase koise. Tai koise, government para etu schemes aro development activities ola ke bosti manu khan para thek bonabo lagi aro sob kaam toh koridebo lagi.
Speeches toh Riongsanger Putu. Yaongyimsen village, Kosasanger Putu Changtongya village aro Yim Lanur Yaongyimsen village para kowah thakise. Welcome speech aro vote of thanks Imlilepzuk G.B Signal Angami Dimapur aro by Latong Imson president Yaongyimsen union Dimapur para janaideya thakise.
Add Comment