Ajmer, 1 May 2025: Jui juli shey hotel te Ajmer te, etu pra char jun muri jaishey aro char jun jokom hoishey. Jokom hwa te ekta maiki firefighter b ase kun jui pra jula jokom hoishey jui toh mutabo leh koshis kura time te. Lokbandhu, district collector, direct jaka te punchi shey aro confirmed kuri shey ki jui toh control under te ani dishey. Om Prakash, Deputy inspector General of Police, tai b jaka te punchi shey situation toh sabo leh aro rescue aro relief operations toh monitor kuribo leh.
Ward councillor Bharti Shirvastav laka hisap pra, jui toh 7:45 am nishina te shuru hoishey aro joldi hotel julai dishey adhat ghanta bitor te. Tai pra koishey, Hotel toh Diggi market war no.16 te ase. Khali thirty minutes te, pura julai dishey. Tai pra confirmed kuri shey duita manu, ekta bacha milai kina hotel pra jump mari shey nijor ke bacha boleh aro jokom hoishey. Victims toh hospital te loi jaishey treatment karne. Firefighters aro police khan jaka te punchi shey, windows biya kuri shey kun bitor te phasi kina ase. Market jaka te osor packed hotels khan challenge opor te khota kuri kina, Shrivastav pra safety regulations opor te concerns uthai shey. Tai pra koishey, Etu hotel khan toh bishi deri pra kam kuri ase. Authorities khan taikhan laka construction aro operation toh allow nakuribo leh laka thaki shey eman chutu jaka te. Rasta khan eman chutu ase, etu pra rescue team khan karne bishi diktar ase kam kuribo leh.
Add Comment