Chardham helicopter service suspend kuri dishey dui din karne Kedarnath crash hoi kina

Kedarnath, 15 June 2025: Helicopter services khan Chardham yatra rasta te suspend kuri dishey dui din karne Sunday din te chopper crash hoi kina Kedarnath pra wapas aha time te. Satha manu, pilot milai kina, muri jaishey helicopter toh crash hoi kina Sunday din morning te. Chief minister Pushkar Singh Dhami, kun emergency meeting rakhi shey senior officials lokot situation toh discuss kuribo leh, koishey heli services toh suspend thakibo dui din karne. Kileh maneh weather toh biya ase aro passengers laka safety toh state government laka top priority ase. Tai pra officials khan ke b koishey meeting te strict SOP issue kuribo leh heli operations karne state te aro control aro command centre set up kuribo leh tadeh.  Crash karne responsible khan against te he action naloi kina. Dhami pra emergency meeting te koishey, Eku laxity nathkibo lageh compliance ke regard DGCA norms lokot helicopter operations te state te. Ensure kuribo lageh ki pilots uri thaka upper Himalayan region te experienced ase.