Chartha Indian medical students kan river deh du b jai shae: Indian mission

June 7, 2024: Chartha Indian medical students kan ekta river osor deh du b jai shae. Etu jaka tho Russia deh taka St. Petersburg laka osor deh ase. Etu kobor tho Indian mission para country deh confirm kuri shae Friday din deh. Indian Mission para, Russian authorities kan taikan keh kotha kuri ase kui shae, taikan laka bodies kan, taikan laka relatives kan keh para tak julti pata bole. Chartha students kan tho Osor deh taka Novgorod State university deh puri taki shae, Veliky Novgorod city deh. Tuijun tho maike taki shae aro alak tuita tho mota taki shae. Taikan laka salt ho 18-20 majo deh taki shae, news agency PTI para report kuri shae. Russian media para ekta maike student, kun beach para olai nah river Volkhov deh jai shae, tai dictar ekta deh pasi jai shae kui shae aro taila chartha companions kan, taike baja bole koshish kuri shae kui shae. Tai keh baja bole koshish deh, teenjun manu river deh du b jai shae. Local media para ekta mota keh bajai di shae kui she local manu kan para.