New Jersey, 15 July : Chelsea FC ke inaugural FIFA Club World Cup champion declare kora hoise, juntu ekdom dhuniya performance diya Cole Palmer laga karone Premier League team PSG ke final match te 3-0 te harai disey Monday din (IST) te.
MetLife Stadium te hobo ekta blockbuster final match te, Palmer duita goal marise ekdom suru laga 8 minute te, aru halftime pura howar thik age Joao Pedro ke ekta perfect pass dise, juntu goal te convert kori Blues ke ekdom deserved victory loise European champions PSG upor.
Chelsea etu tournament te top scorer hisebe finish korise 17 goal lwi, juntu PSG, Manchester City aru Bayern laga 16 goal te ek goal beshi ase.
Luis Enrique laga PSG team, juntu 2024/25 season te major 4 trophy jitor target te thakise, Chelsea laga first half laga attack te pura confuse hoi jaise aru Real Madrid ke semi-final te harai disey etu PSG team ekdom alag type dekhaise, FIFA report korise.
London based Chelsea laga etu zabardast performance etu successful tournament ke ekta perfect ending dise, aru etu result diya pichate Chelsea ke Premier League aru UEFA Champions League next season te ekta top contender hisab te manha jai.
Chelsea coach Enzo Maresca duita change anise semifinal match Fluminense FC upor laga line-up te. Levi Colwill aru Reece James ke lineup te tulise, Tosin Adarabioyo aru Christopher Nkunku laga jagah te, aru Joao Pedro front te thaki jaise.
Etu change kaam dise, karon match suru para Chelsea ekdom dangerous dekhaise. Palmer ekdom 7th minute te ekta left-foot shot marise, juntu ekdom narrow wide te miss korise, signal dise ki danger ase.
Pressure rakhia thaka Chelsea 22nd minute te lead loise, jitu time te Joao Pedro right wing te ball loi jabor pichate Palmer ke pass dise, aru Palmer stylish way te corner te goal marise.
Confidence dangor hobar pichate, Palmer ekdom same style te second goal marise PSG penalty area laga edge te aahi ekta left-foot curling shot marise bottom corner te.
England international Palmer laga eto dhuniya first-half performance ke complete korise jitu time te perfect through ball dise Joao Pedro ke, aru Pedro neatly chip marise Gianluigi Donnarumma upor para, juntu laga second match te third goal ase.
PSG laga players Chelsea laga defense upor kunu answer nai thakise, aru substitute hisebe ahise Liam Delap, juntu duibar score koribole try korise.
Comeback koribo laga kunuba asha bhi khotom hoise jitu time te Joao Neves ke 84th minute te red card diya hoise karon u Cucurella laga hair pull korise.
Chelsea easily match control kori rakhise aru football history te laga jagah secure korise.
Add Comment