Chennai City FC pora ekdu joldi Sandro (8′), Nestor Gordillo (15′) aro Pedro Manzi (23′) pora loikena teenta goal dise. William Lalnunfella pora khali ekta goal 37th minute wapas dibole parise hoilebi besi deri hoikena thakise.
Gordillo, kono kick-off pora shuru hi besi bhal pora kheli thakise, pora ekta score korise aro team jitibo nimite rasta kholi dise. Tai besi bhal pora kheliya nimite Hero of the Match silver ball aro cheque dise.
Edwin, Gordillo aro Manzi pora milai kena ekdum thik samoy te hamla koriya pora Mohun Bagan khan ke bhoi khelai diya dekhise. Tai khan defence biya howa dekhise hoilebi 5 minutes laga goal ke rukhaikena joborjosti southerners khan logote khilaf khara koriya dekhise.
Chennai laga kosish te phat kamiyabi dekhise, tate tai khan Mohun Bagan laga defence bar korikena 8 minutes te sobse pohoila goal dise.
Chennai khan narukhikena ball ke tai khan laga kabu te rakhikena choi minutes bicchete aalag goal ekta dise.
Mohun Bagan toh asurit khowa dkhise aro Chennai City FC laga hamla logote khilaf kenika khelibo etu najanikena thakise. Mamla toh 23rd minute te aro biya hoise kile koile Chennai pora tai khan laga teenta wala goal dise.
Lalnunfella pora modot koribole ahikena 37th minute te Mohun Bagan nimite ekta goal dise, etu pora tai khan laga mon olop dangor kori dise.
Add Comment