Chennai, 26 May : Chennai Grand Masters chess tournament laga third edition ahibar saal expanded format logot ahise, juntu te total 20 jon player hobo aru prize pool bhi sabse dangor, ₹1 crore tak reach korise.
Itu tournament August 6 pora 15 tak hobo, aru organizers laga press release hisab te, aibar 10 jon player thakibo ek-ekta category te, jun ager edition te 8 jon thakise.
MGD1 duwara organize kora aru Tamil Nadu Government aru Sports Development Authority of Tamil Nadu laga support te, tournament ke rebrand korise “Quantbox Chennai Grand Masters” hishab te, karon Singapore-based fintech company Quantbox Research title sponsor banise.
2024 edition te tournament nijo ekta nobo level te uthi jaise, juntu te Masters category laga average rating 2729 thakise, aru Challengers category te prothom bar mahila player bhi include korise.
Last year, Aravindh Chithambaram Masters champion banise, Arjun Erigaisi aru Vidit Gujrathi ke piche chari. Pranav V Challengers title jiti loise aru aibar saal Masters te khelibo laga spot earn korise.
Add Comment