Chennai police bara 9.1kg meth seize kureshe.

 Tamil Nadu te major drug dealer laka thuri she. Edu samoi te Chennai city police bara twida smugglers-A Rajkumar, 35 aro T Chandrasekar, 42-Red Hills laka osor te 9.1 kilograms methamphetamine toh 9 crores lokode beshi bala boisa laka thureshe. Edu te thuriya khan laka naam toh Mundiammam Nagar, Padianallur Red Hills laka osor te thaki. Additional Commissioner of Police North,T S Anbu  bara reporters khan ke koishe ki jua haft ate 317 grams methamphetamine thurishe aro edu toh police khan bara seize kureshe koishe. Edu laka mamla te police khan bara manu khan ke thuribole network bonaishe aro investigate kuri kina twida manu ke thurishe. Tai koishe ki edia tak tee du sobse dangor wala drugs thuria toh edu ase janai deshe. R V Rmya Bharati , Joint Commissioner of Police, North, bara koishe ki drugs toh mescakine laka under tea hi koishe-aro edu toh ekdam hallucinogenic drug ase koishe-aro edu toh 9000 bara 10,000 tak mangi koishe market te. Bura investigation kura batchode Arjun bara koishe ki Moreh bara smuggle kureshe aro edu toh ekta international border India-Myanmar te Manipur bara aheshe koishe. Police koishe “Taikhan bhi baria tak schools areo colleges khan ke edu drugs khan bara rukhai dibole  beshi kisam laka awareness programmes khan beshi conduct kure ase koishe.”