Chennai, November 11, 2026: Chennai toh Asian Athletics championships host kure bole neshe na ase 2029 te Nehru Stadium te, August laga moina phane, Tamil Nadu Athletics Association (TNAA) laga chairman C. Latha para enia koi she. Asian Athletics Federation Council meeting te ja piche Tokyo te, Latha kun para TNAA aro State government ke represent kure she tai para koi she ki, tai khan laga presentation de deshe, kute tai khan Nehru Stadium aro international airport khan laga jankari khan de she. C.K. Valson, kun Competition Commission for Asian Athletics laga ekta member ase, tai ja hafta jai kena Nehru Stadium toh inspect kure she aro report pai she ki tai Khushi pai she track aro practice ground khan sai kena. Latha para koi she ki, Valson toh Khushi pai she aro VIp lounges khan bana bole laga arrangement kure be koi she aro LED screens khan hale bole.
November 11, 2026
World's First and Only Nagamese Newspaper
