India, 28 March ; Indian defender Bijay Chhetri toh Uruguayan football club Colon FC logot loan dey itu saal khotom nahua tak join kurishey, tai laga Indian Super League (ISL) club Chennaiyin FC para Wednesday dey kuishey. Chhetri toh first Indian footballer huishey ekta Latin American club karney sign kuriboley. Colon toh Montevideo laga asey, kitia itu club toh desh laga Segunda Division Professional (second division) logot compete kurey, kutey taikhan itia Group B league table dey third asey.
Manipur para itu 22-saal Bijay tai laga footballing career toh Shillong Lajong logot 2016 dey shuru kurishey aro Indian Arrows logot tai laga senior appearance 2018 dey kurishey.
Itu piche dey para, tai Chennai City, Real Kashmir aro Sreenidi Deccan nishna clubs karney khilishey itu season CFC dey join nakuria agey dey, tai laga maiden ISL club.
Colon dey jaa upar dey Bijay ke luck wish kurina, CFC co-owner Vita Dani kuishey, “Muikhan bishi garv asey ki Bijay toh duniya laga sobse dangor football nations ekta dey tai laga raasta panai asey. Uruguay toh hotai bhi khel laga history dey naam thakibo, taikhan laga chest dey four stars logot, tuita Olympic gold medals jitina 1924 aro 1928 dey, 1930 dey first World Cup, aro itu piche dey 1950 dey Brazil dey repeat.
Add Comment