September 01, 2024: Chessore Town Students Union (CTSU) para janaishey ki, Government High School (GHS) Chessore toh hoiley Maths aru Science laga teacher khan nathaki kena eneka hey chuli kena ahi asey 2015 para aru itu toh hoiley bishi majetey ekta reason asey, kiley itu school tey zero pass percentage asey, HSLC examination tey, bishi saal para. Ekta press release tey, CTSU laga president – Richard Yimkhiung aru general secretary – Among Yimkhiung para inform kurishey ki, union member khan para GHS Chessore tey visit kurishey, August 30th, 2024 tey aru tai khan para GHS Chessore laga assistant headmaster ke bhi lok kurishey. Itu visit laga homoi tey, itu union para janiboley parishey ki, itu school tey toh hoiley Maths aru Science laga teacher khan toh nathaki kena hey chuli kena ahishey 2015 tey para, science laga teacher toh JEO tey promote hoi jawa pichetey, October 12, 2015 tey, ekta reliver thaki kena. Tai khan para itu bhi koishey ki, Maths laga teacher toh hoiley voluntary pension loishey, August 12, 2015 tey aru eku reliver toh itu pichetey post kuria nai.
Chessore laga GHS tey 2015 para Maths, Science laga teacher nathaki kena asey
Add Comment