Mumbai, February 12: Vicky Kaushal laga eman intazar thaka film, Chhaava kuntu te Rashmika Mandanna aro Akshaye Khanna bi asey, etu tu theatres te Valentine’s Day, February 14 te release hobole asey. Maddock Films laga support para bana etu etihasik action film laga opening bhal hobole nisna asey.
Ekta website laga hisap te, Chhaava film release huwa laga din te 2,32,746 ticket bikri hoisey. Etu film tu India te etya tak Rs 6.74 crore laga opening kuribole nisna asey aro block sat ke milaikina Rs 8.42 crore maan. Etu film tu first din te kiman kamabole asey etu sabole baki asey, hoilebi etu para tailaga poila laga film Bad Newz laga opening ke haraidibo parey kuntu tu Rs 8.3 crore te thakisey.
Laxman Utekar aro Dinesh Vijan para Maddock Films under te produce kora, Chhaava tu ekta historical action film asey kuntu toh Maratha raja Sambhaji laga jibon laga bari te asey, kuntu laga role Vicky Kaushal para kuri asey. Etu film te Rashmika Mandanna tu Maharani Yesubai, Akshaye Khanna Aurangzed nisna, Ashutosh Rana tu Sarsenapati Hambirao aro Divya Dutta Soyarabai laga role te asey. Etu film laga music aro soundtrack album ke A.R. Rahman para compose kurisey kuntu laga lyrics tu Irshad Kamil para likhisey.
Add Comment