NEW DELHI, NOVEMBER 12 : Association of Democratic Reforms (ADR) Research Body pora Data analysed kura hisabte Chhattisgarh laga Phase 1 te nahua chamala te besi Candidates thaka toh Congress Party pora ase koi kena janaise. Etu ke Congress Party kan 18 jun Candidates kan thaka majutte 7 jun kobi 39 percent toh nahua chamala (Criminal Case) te ase koise.
Etu Congress Candidates 7 jun nahua chamala te thaka kan majutte 4 jun toh ekdam nahua chamala te ase. Etubi Bribery, muraidebole kura aro Criminal Intimidation kan nemite ase koise. Huilebi Congress Party laga asul khilaf party kobi Bharatiya Janata Party (BJP) pora toh eman jun Canidates thaka majute ekta bi etu nahua chamala laga naam te nai koise.
Etu kunoba Party pora nahua chamala te thaka kan toh JCC pora 10 jun Candidates thaka majutte 3 jun Nahua chamala naam te ase, GGP pora 7 jun Candidates nemite thaka majutte 1 jun toh nahua chamala naam te ase, SP pora 2 jun Candidates nemite thaka majutte 1 jun naam te, IND Party pora 64 jun Candidates thaka majutte 3 jun naam te aro tusera kan 86 jun Canidates thaka majutte 1 ta bi nai. Sob melai kena 187 jun Candidates nemite thaka majutte 15 jun Nahua chamala naam te ase koise.
Add Comment