Chhattisgarh laka IED blast deh tuita constables muri jai shae

July 18, 2024: Suspected Maoist kan para Chhattisgarh laka Left-win insurgency-hit Bijapur jaka deh ekta improvised Explosive Device (IED) putai dia tho tuita constables muri jai shae aro alak charjun jokom kai shae. Ekta statement deh, Chhattisgarh Police para muri jah manu tho Bharat Sahu aro Satyer Singh Kange ase kui nah identify kuri shae aro taikan tho, security force laka team taki shae kui shae, kun kan ekta search operation piche deh wapas ahi taki shae. Taikan para  Bijpaur, Dantewada, Sukma jaka majo deh Darbha Division, West Bastar Division, aro Military Company Number 2 laka Maoist kan tateh ase kui nah kobor jani jai shae kui shae. Aro thik etu jana piche deh team keh patai di shae kui shae. “Additional forces kan keh utu jaka deh patai di shae aro jokom jah STF(Special Task Force) jawans kan laka treatment karne, necessary arrangements kan banai nah ase,” statement para kui shae. Wednesday din deh Maharashtra Police para Jarabandi jaka osor deh 12 Maoist keh murai di shae aro etu eki din deh utu tuita constables tho mura ase.