Chhattisgarh Polls’ 2nd Phase te Congress Candidates 37 jun naam te

RAIPUR, OCTOBER 28 : Saturday rati te Congress Party kan Candidates nemite 37 jun naam te anedese. Etubi Chhattisgarh Assembly Election laga 2^nd Phase nemite. Tai kan Party khobor hisabte Chhattisgarh Pradesh Congress Committee (PCC) Chief Bhupesh Baghel toh Patan Assembly Constituency pora etu 2^nd Phase Poll manabole ase. Aro tai bi Sex CD chamala te bi melekena thaka laga ase koise.

T S Singh Deo, Congress Legislature Party leader toh Ambikapur Constituency pora manabole ase. Purana Union Minister Charan Das Mahant toh Sakti Constituency pora. Aro Congress Party kan bi BJP Party kan etu state ke 2003 sal pora sorkar julai kena aha ke hataidebole aro haraidebole kusis kuri ase koise. Aro etu Assembly Election toh etu state te 2 ta Phase hisabte manabole ase koise. Etu ke 18 Assembly jaka kan Maoist Bithormanu thaka jaka te laga 1^st Phase hisabte manabole ase. Etubi November 12 te. Aro 2^nd Phase hisabte toh baji kena thaka 72 jaka kan toh November 20 te manabole ase koise. Aro etu 2 ta Phase laga Result toh December 11 te ulaidebole ase koise.

Etu khobor Congress Party pora janaidiya toh October 12 aro 22 te janaidiya laga ase. Etubi 1^st Phase poll nemite. Aro etu 1^st Phase Polls te bi Congress Party laga naam pora purana Prime Minister Atal Bihari Vajpayee laga Niece Karuna Shukla bi manabole ase. Etubi Rajnandgaon Assembly Constituency pora. Aro tai laga Opposition Candidates toh Chief Minister Raman Singh ase koise.