Raipur: Tuesday din Chhattisgarh te notun 3,506 COVID-19 cases aro 77 manuh bemar para mora khobor paishe. Etu melaikena state te caseload toh 9,56,715 hoishe aro 12,723 manuh morikena ase, koikena health department official para khobor toh janai thishe. Chhattisgarh te notun bemari cases toh olop komti howa neshina thaka para Chief Minister Bhupesh Baghel para state manuh khan logot kushi-kushi nakorikena coronavirus hoshari neum toh sob manuh para maniboli junaishe. State te bemar bhal hoikena thaka toh 8,87,518 ase, etu samai 927 manuh alag-alag hospital para discharged hoishe aro etu eke din te dosura 6,516 manuh toh nejor ghor te isolation kora kotom hoishe, tai para koishe. State te itya dak active cases toh 56,474 ase koikena officials para janaishe. Raipur district te aro 209 notun cases khobor paishe, etu melaikena bemari cases toh 1,55,303 hoikena ase aro 3,079 manuh bemar para morikena ase. Surguja te 290 notun bema cases khobor thakishe, Surajpur te 276 cases, Balrampur te 236 cases paishe, tai para aro janaishe. Tuesday din te 72,031 samples tested korishe, etu melaikena state te sample test toh 87,72,315 loikena ase, koikena officials para junaishe. Chief Minister Baghel para manuh khan ke besi hoshari thakina COVID-19 bemar pheli thaka toh rokaboli nemite etu hesab te thakiboli janaishe. State manuh logot kotha kora samai, Mr Baghel para koishe ke, second wave bemari toh komti hoishe, hoilebi COVID-19 virus toh aro kotom howa nai etu nemite manuh khan sob besi hoshari thakiboli janaishe. “ami khan sob coronavirus hoshari neum toh hotai din laga jevan te COVID-19 kotom nahowa dak mani thakiboli laki,” tai aro koishe. Chief Minister para aro koishe ke, COVID-19 vaccines logot phui nakoriboli laki, keli koile vaccine toh safe ase.
