Raipur: Assam laga Bodoland Peoples Front (BPF) 9 jun candidates kaun khan Congress-led grand alliance logot melikena ase, tai khan toh olop din akhe Assembly polls kotom howa beche Congress-ruled Chhattisgarh resort ekta te jaishe, koikena Tuesday din local Congress leader khan para khobor toh janaishe. Senior leader para koishe ke, Bodoland Peoples Front (BPF) laga 9 jun candidates khan ke Saturday sham Raipur te flight para loikena ahishe aro tai khan ke hotel ekta te raki thakina Nava Raipur resort te aro loikena jaishe. Etu candidates khan ke konuba Congress leaders aro dosura BPF members khan para journey samai loikena Chhattisgarh pongchise, tai para aro janaishe. Etu candidates khan toh Raipur te May 2 darik dak thakibo, etu din toh Assam elections result be olaboli ase koishe. Chhattisgarh Chief Minister Bhupesh Baghel, state ministers aro Congress senior leaders khan tinta(3) phase assembly nemite besi tangor campaigned thakina Assam election toh April 6 darik te kotom hoishe. Congress-led ”Mahajoth” aro Assam te Grand Alliance opposition parties toh AIUDF, BPF, CPI(M), CPI aro dosura parties be ase koishe. Bodoland Peoples Front (BPF) para polls samai 12 candidates khan para election te larai korishe aro etu samai ek jun toh BJP party te jaishe, koikena leader para janaishe.
Add Comment